Carrello Login

Agenda dei poeti 2013

28 febbraio 2013

ME PIACE…

“Me piace
‘e me spurcà ‘e sta vita”,
‘e m’ ‘a sentì ncuollo
azzeccata e sapurita,
comme ‘o ‘mmele spalmata
ncopp’ ‘a pelle.

Me piace…
‘e sentì nfaccia
‘o suspiro ‘e l ‘Ammore,
comme ‘na brezza,
aggraziante,
prufumata ‘e mare,
ca trase mpietto
‘e scenne nfunno,
fino ‘a dint’ ‘o Core.

Me piace…
‘e tenè attuorno
Chi me vò bbene.
“Me piace
‘e me spurcà ‘e sta vita”.

Me piace…
‘e me regnere l ‘Anema,
astrignenne dint’ ‘e braccia
Chi m’è caro.

“Me piace
‘e me spurcà ‘e sta vita”,
‘e sta affacciata ‘a sta fenesta,
‘e me sazià ‘e st’Ammore
ch’ attuorno me gira,
‘e me mbriacà ogni mumento
‘e st’acqua ‘e surgente.


Maria Grazia Zagaria - Orta di Atella (CE)