Agenda dei poeti 2009

3 dicembre 2009

LA STEELA ALPIINA

Là, sôota i cíimm inneváa,
duè nessüün gh’è mai stáa,
duè l’acqua l’è püra
e ta pô béeff séenza paura;
là,duè gh’è damô i sàass
e pal frèecc te da quatàass…
duè l’àquila l’è de càa
e ul falchèett ta pô truvàa…
là, duè te da caminà úur-eur
séenza truvà, ne èerba ne fiúur...
la, duè i paréett hinn drìzz ‘mè-i müür
e-a-caminà da mèett i pée al düür…
duè vusà ta pô nôô,
se no tavegn giô i sàass in kôô…
là, gh’è-un-fíuur,
ka l’è biàanck de culúur...
nascôost tra la rôôcia marona
quáasi aranciôna
tal védat a pèena a pèeena
ma al fa una scièena!…
ka ta pô nô descrïff,
e ka ta pô nô rivïff…
un’emuziúunn!
una sudisfaziúunn!
nel catáala
e peu kunserváala…
l’è bèela, pisciníina,
l’è, la stèela alpína!


Angelo Sempio - Montano Lucino (CO)