Carrello Login

Agenda dei poeti 2005

28 luglio 2005

ON POMM PROIBI'

Quand on dì gh'è vegnùu in ment
al Signor de
creà 'l mond,
dètt e fàtt, in on moment
l'ha decìs de fàll rotond.

Acqua e tèrra el riunìss,
mes'ciàa in sèmma in on paston,
con la nòtt frèggia 'me on bìss,
senza nanca on ombrion...

L'è arrivàa poeu finalment
a divìd la nòtt dal dì
cont on ragg delùs splendent
che tùttcòss fa sberlusìi.

Dì per dì, in ciel i stèll
cont el sol e con la lùnna,
ògni sòrta de usèll
e de bèsti, in cobbia ognùna.

L'èrba, i fior, i piant, i frùtt:
l'ha creàa per ultim l'òmm
e a lùu 'l gh'ha dàa de tùtt
foeura che on cèrto pòmm.

E su quèst l'è stàa precìs:
"Per compàgna e per padrònna
per viv come ona dònna!"

... Poeu è succèss quèll che tùcc sann.
Quando mai l'òmm l'è content
del benèsser che ghe dànn
se ghe manca on pòmm tra i dent?...

Vincenzo Migliavacca - Milano