Agenda dei poeti 2018

1 ottobre 2018

LA MOKA

Me ricordi,
a cà de la mia nona,
la napoletana in sul foeugh
a fa el cafè,
l’era tùcc un incaster de girà
de chi e de là,
poeu, finalment,
se podeva gustà!
E ghè rivaa la MOKA!
Che bèla invension...!
Se preparava tusscoss,
cont calma!
La se meteva sul foeugh...,
quand se sentiva
che la te ciamava...
GRUU GRUU GRUU... l’è pront...
se spantegava un profum
per tuta la cà!
Se gusta prima l’odor,
e poeu el savor!!!
Un piasè per la gola
e per la pass!!!
A Natal, m’han regalà la machineta,
“l’espresso cume al bar”,
per on poo lù duprada ...,
che delusiunn!!!
Senti pù GRUU GRUU GRUU
sensa profum, sensa preparasiun!
Mi lo ciapada e misa in un cantoon!!!
Hoo tirà foeura la mia MOKA,
e dopo avela preparada,
l’ho metuda in sul foeugh,
GRUU GRUU GRUU,
 la me parlava, la me diseva:
“ciao, sont chi, sont riturnada ...!”
e a bev un bel cafè,
cont tant de profumm,
me sont setada!!!


Santina Laura Pastori - Milano