Carrello Login

Agenda dei poeti 2011

31 dicembre 2011

VE CUNTAROO

La stòria mia l’è longa
e come el temp che’l passa
a i pont mì passi sòtta
e pòrti via i magagn.
Del dì me scalda el sô
e de nòtt, da in mezz a i stell
vén giò la mezza luna,
la me carezza apian,
per dessedà nò chi
quataa domà da on pont
el dòrma insemma a mì,
la voeur portagh fortuna.
E a tutt el mond la pàs.
Mì guardi chi me guarda,
oggioni che nò riden
e in del rifless de l’acqua
magon che in mì se speggien.
I moros ’brascià sospiren
e senza dì paròll
me guarden e se basen.
Son mì che adess te parli,
son mì, el tò Navili!
Te cuntaroo di stòrii
de pòcch o maravili,
se ogni tant te voeuret
ven chì, ven a trovamm,
e senza dì nagòtt
capisarem tusscòss.


Gianfranco Gandini - Milano