Agenda dei poeti 2008

3 aprile 2008

LA PRIMAVÉERA

Al par no véera,
ma l'è già primavéera.
Tütt i piáant inn in fiùur...
inscì sgargiáant inn i coulúur.
Gh'e' ul prufúmm di limúunn
sistemáa sul balcúunn.
I fieu vèegnan feu de scôôla,
dann pesciáat a la tôôla,
bütan víia la cartèela
par giugáa a la zeèla.
Kúran svèelt a giugá al balúunn,
riémpian l'aria de bej Kanzúunn.
In di stradítt gh'e' tá anta alegríia,
la geent i penséer la büüta víia.
Oh donn gh'e' riváa "ul mulíita",
gh'e' nasüü un fieu, un'altra ví ita.
Ul castáan al mèett su i feuj,
sui ráamm ke príima eran veuj.
Ul pôômm e ul pèrzick inn in fiúrr
da páart tütt gh'e' un grandt amúur.
In tüti i pôôst sa fa fèesta...
Ke bèela stagiúun a l'e' quèsta!
Urmáj, l'e' la fíin dal méess
ul mèrlu la faa ul níidt in da la sciéess,
al süta cipìi
e al gha da drèe tütt ul díi
ánka i animáj del bôsck
sa tíiran feu dai so pôôst,
vèegnan feu da la sua táana...
in dal lagnèett káanta la ráana.
Oh, ke bèela emuziúunn!
Gh'e' riváa l'airúunn,
in ciéel ul falckèet
al fa ul zso girèett
intáant ke ul kurbáatt
al vôôla kumèe un máatt.
Al paar de rivíiff
tra i mándurll e i ulíff...
Da n oeuff sa respíira...
sa gradíiss un bicéer de bíira.
I bej tusáann faann kumè i fiúur
inn piéenn de alegría e amúur.
Taj véedat lì a sbuciáa,
setagiôô da feu de káa
môstran i so bej sembiánnz,
ke a vôôlt g'hann inn aváanz.
Büütan i kavèj al véent,
sa peetènan ôgni muméent.
Fan finta de tenèss par máann
ma ul zso penséer l'e' luntáann.
Giüügan ai káart,
ma ul zsdo kôô l' e' d'altra páart...
Inn lì ke spèetan damôô quèell:
ul giuvinôtt pusée bèell,
ke séempar han sugnáa
e ke adèess l'e' riváa.


Angelo Sempio - Montano Lucino (CO)