Agenda dei poeti 2007

3 settembre 2007

TRAMONTO A GUARDIA PIEMONTESE

'O sole a poco a poco scenne a mare
'O cielo, all'improvviso, se fa scuro.
'O core mio, quase cu paura,
turbato se ferma a penzà.
S'affaccia a luna chiena...
e stenne chianu chiano
na fascia d'argiento fino
ca me fa 'ncantà.
Cade do cielo na stella!...
Stella lucente
stu firmamento
pecchè vuò lassà?
A coppa a na cullina,
cu mille luce accese,
Guardia Piemontese
maestosa sta a guardà.
E comme u'onna accarezza
'o scoglio da Regina,
st'aria profumata e fina,
l'anima mia và a carezzà.
Quanto chistu mumento
vurria putè fermà!
E miezo a st'armonia,
a chesta poesia
ca sulo Dio puteva fà,...
me sento na nullità.


Santo Verde - Carinaro (CE)