Agenda dei poeti 2014

17 marzo 2014

TRAMONT

Sbusen l’orizzont
i ultim ragg del sô
che adasin se smòrza.
L’aria la se indòra
la se vestiss de ras
la par inzipriada
innanz che riva sera.
El mond rallenta el pass
se quietten i passion
d’on viv infolarmaa.
Mì bevi tutt d’on fiaa
la pas de ‘sto moment
e scoeudi la mia sed
d’intimità e silenzi.
On’aria remondina
scorliss i mè penser
che neghen e se strien
de dolza malinconia
de voeuja de bontà
de musica, poesia
e de voeuja de cà…
del son d’ona campana
d’ona paròla amisa
d’on zicch de tenerezza…
voeuja d’ona carezza!
La lus la se fa scura…
riva giamò la sera.


Enrica Cortellezzi Parmigiani - Tradate (VA)