Agenda dei poeti 2014

18 dicembre 2014

QUANDU… TANDU

Quando li pansieri toi se faciane ricordi;
quando nu teni bonu lu osci e timi lu crai;
quando li toi li cunti
cchui mmuti addai ca quai:
tandu, sulu stai! Tandu, vecchiu sinti!
Quandu saluti lu jurnu
cu lu "ahi" e cu lu "ohi!";
quandu comu parole mpise
stane li cunsiji toi;
quando comu birilli cadane
li cumpagni toi:
tandu, sulu stai! Tandu, vecchiu sinti!
Quando se face cchiu longa la stessa via;
quando lu focu t'ete compagnia;
quandu te scullisce la capu
e la curona dell’ “Ave Maria":
tandu sula stai! Tandu, vecchia sinti!
Quando t'attacchi cchiu mmutu
a li sordi, e li cunti,
parcè sai ca su quiddi poti cuntare;
quando lu fiju ca trase
t’adduma la casa, te babba,
ma tiempu pe ttie nu ttene:
tandu, sulu stai! Tandu, vecchiu sinti!
Quandu fannu cu bbiessi de casa toa,
e sempre, pe lu bene tou,
cu trasi “alla casa di riposo”:
tandu, sulu stai! Tandu, vecchiu sinti!
Quandu la vita toa sta girata a rretu
e l'occhji toi cuntane maru;
quando te scurisce lu core
prima cu scurisca lu giurnu:
tandu ...
tandu tieni stritta la manu forte de Dio
e mpara:
se amore tieni e dai:
mai, sulu stai! Mai, vecchiu sinti!


Silvana Mottura - Lecco