OTMA2 Edizioni - 2018.
ISBN: 978-888-546-1239.
Alta Brianza, mercoledì 23 settembre 2015
- Gastruscupìa, culunscupìa, esam del sank e via...
- O pór Giüli, inveci de ‘na in bici de cursa seu e gió par ul Ghisal...
- ... me tuca ‘na avanti e indré a l’uspedal.
El zalta seu l’Adrian:
- La mia végia, la suocera che gh’ó semper in mèz ai bal,
l’a fa in una veulta sula gastra e culun scupìa e l’a sentii
un cazu de nient. Apena fada_ l’è se nanca acurgiüda_ l’è nada
sübit a mangià in pizerìa.
- Porca troia!
L’espresióm culurìda el l’a dida Abràm che uramai el z’è stanzià seu al rocul,
visén al casutèl e a la vigna de Alfredu. E ghe veur dé, a l’unur del ver,
che mai batüda fü dida inscé curispundènta a la realtà.
- Ma, per amur del ciel, mei inscé _el taca là l’Adrian_ anca
erché propri un bel cazu de nient e gh’an truà.
- Alura brindèm a la suocera de Adrian a tutte le suocere che campen cent’an!