Agenda dei poeti 2015

18 settembre 2015

PREGHIERA… PER L’UDIENZA! (D’ONA DONÀ GIUDÈS)

Me piass el mè lavora’ e cerchi de fall ben
E hoo tant studiaa ì Lèg ... per giudicà la gent
Ma l’imprevis l’è pront.. .a mandà toutt a dà via i pee
Ghe voeur la competenza... e l’amor per el tò mestee

L’è giamò on quai dì che... sont addree a pensagh
E a giragh intorna... stà “preghiera” l’hoo adattada
Per fa andà ben l’Udienza... donca sveltì el Process
Hinn domà chi “quater pont” de rispettà... a bòn sèns

Vún) Ai Pubblich Ministeri ghe voeuri domandà
de vardà ben i fascicol... che gh'hann de vess studiaa
se denò...’me te pòedett digh... a Giudès e Avocatt
e magàra a la Giurìa... de “andà a ciappà di ratt”

Duu) A vialter Avocati… de lengua “assai tagliente”
fasì’ minga l’inchino... al Tal... che l’è potente!
puttost vegnèmm incontra... mettéves nò de travers
o a rampegass sui veder... tent insci... per vèss

Trii) Ai sciori testimoni... ghe disi...: vegnì chì
sicur, quand sii ciamaa, ... serén, minga stremii
a l’è pussee impoertant... dì semper la verità
perché se te la scòndett... poeu a gala la vegnarà

Quàtter) Oh capo Cancelliere, de penna “tant valent”
te scrivet i verbai… ma gh’han de vess decènt
diversament. oh bèlla… a capì ghe voeur on ann
inscì ris’ciom de ciappà… “pirla per taccapagn”

A la fin depermì, coi Leg… e la mia coscienza
de brutt robb n’hoo vist…
quasi un film de fantascienza
purtropp gh’è tanta gènt…
nassuda cont ona quei fragilità
cont e Leg e ‘l coeur mì foo giustizia…
speri de minga sbaglià!


Michele Longo - Milano