Agenda dei poeti 2014

25 ottobre 2014

‘A VENNÉGNA

Dinto a ‘na brezza matutìna,
‘a campagna se vèste d’armunìa;
ogni suono o canto è ‘na magìa.
Scenario agreste, ca porta
‘nu profumo e muste;
è juòrno da vennégna; è feste!!..

Campagnuòli,
cu fròbbece e canestièllo,
tùttu allèri e ‘nfaccennati,
cògliene ràppoli dòrati,
ca vènene scamazzàte
p’addeventà
‘nu tesòro divìno!..
Quanno accumpàre
‘o tramónto
tra pennellate rùsse
e òro zecchine,
stràcque e campagnuòli,
suònnano a uòcchi apierti,
ca sicùro ‘nce sarà,
‘nu buon vino e qualità!!..

E pregano ddio Bacco
e premia ‘e fatiche llòro,
pruteggènne dinto
‘e vòtte ‘stu tesoro!!..


Anna Migliaccio - Napoli