Agenda dei poeti 2011

4 settembre 2011

IL CIABATTINO

Me ciamen “il ciabattino”
ma mé foo el calzulèr
da quan’ seri bagai.
me pòrtan: scarp senza tacch
scarp cui büs in la soeula
scarpun che i riden cui dent de vècc.
E mé, che foo il ciabattino
foo un laurà pulito.
Ghe mètti i tachètt ai scarpètt
tappi i büs de la soeula
cusisi i scarpùn
e intant la moeula la gira la gira.
I scarp i ènn prunt
i paren noeuv.
I ciappi in man, i vardi bén.

“Te, Pepina, t’el seet
mé voo a pòrta a pòrta”.
“A fa cusè?”
“Ghe disi al Vèspa:
duttur, lüü che ‘l parla
inscé mai ben, inscé mai ciar
che’l ghe disa a qièi politici
che vegnen scià e fann:
bla, bla, bla…
(e a mé me paren toeucc balòss)
che mé il ciabattino
huu capii ‘se l’èm la democrazia.
La democrazia l’è un para de scarp
ghe voeur la dèstra
ghe voeur la sinistra.
La destra la dev minga ‘nà
tüta a dèstra
la sinistra la dev minga ‘na
tüta a sinistra…
Ghe voer coo insèmm gh’hann de ‘nà.
Perché la strada del bene del popolo
l’è drizza!


Silvana Mottura Campa - Lecco