Agenda dei poeti 2011

1 luglio 2011

UNIVERSU, MUNDU MEU

Arbèschida primadia,
indoras cun rajos abistos
sa terra buja lassada
in lizera oscuridade
da isteddos zai istudaos.
Cun rajos purpurinos
torras vida a coros sicos,
anneulados comente chelu
atonzinu, istrumande
umbras atrividas.
Mòvida da sa frina
pigas lizèra, arrempeddandedi
subra cabidales biatzos de neula.
Cun bratto simizantes a remos,
partzo nues apizadas
intrandeche
in sas pergas de su criadu.
Fenomenu,
lughesco cozos brioso,
atresso passio non connotos,
rennesso parte de s’universu.
Armonias tzelestiales
istipant donzi boidu.
Atzatzu, torro
inoghe, batinde
serenidade e paghe
subra terra chilivrada,
discuntenta, inabile
de retzire cantu
de cumpiaghente
ddi istat in tundu.


Giovanni Antioco Mura – Ghilarza (OR)