Agenda dei poeti 2011

16 febbraio 2011

SO.. NE’..CURI’.. PASTUR!

In una nòcc memurabil
unica al mund
in ciel, in tera, ne l’univers
gh’è una gran festa
inturn a BETLEM
dal ciel un’intensa LUS
anger cuntent giuius
sunen, canten lodi
GLORIA al NASU’ SALVADUR!
Densìen pastur indurmentà
so.. nè.. curì.. a sveltu..
là in fund in di camp sùra una stala
vedarì una grand LUS
truarì un piscinen, l’è ul “SALVADUR”,
ul surìs del BOM PA’ CREATUR
a purtà la “SALVEZA” nel mund.
Cun stupur emuzìon
meravèa del messag
curen incuntra al MISTER.
La porta l’è verta
van dent in punta de pè
atirà da un silenzi de ciel
serenità, prufom d’acuglienza
e in un canton una cuna
un tener piscinen butà giò sgambetà
so la paia di nost pecà
una mam e un pà vis seren suav
òcc bàss adurant.
A tòcc al surid l’è cuntent
al da i man per vès ciapà in brasc
stengel fort al còrr, cuculàl.
Ogni pastur l’è stupì, estasià
nel vedè una bèla scena familiar
d’amur, semplicità, puvertà
quanta gioia hann pruà
e fen a nòm l’è rivada
cuntagià anca i nost còrr
del grand anunzi ricevù.
Ecu ul palaz, ul castel
induè per tant’amur l’è vurù nàs
pruà so la sua pell
fragilità, dulur, miseri, puvertà
cumpagn de vita d’ogni murtal.
Nel cammen de la speranza
in umiltà dèmigh la man
lasèmes guidà,
l’è la VIA, VITA e VERITA’.
L’è ul segret de festegià ul ver Natal!


Maria Rosa Motta – Sovico (MB)