Agenda dei poeti 2008

22 ottobre 2008

EN DI' SUL LAGO

Sérene sol che mi e ti, pupà,
sul finir dela stagioo
come du piti soto l'ombreloo...
Mi vardava en su
La to facia brusà dal sol
E quei to oci verdi che me scaldava el cor...
E pelaii 'ngrespava l'acqua,
e mi te domandava..."
"Che aria ela?"
"L'è òra oresina!
O che l'è ladra o che l'è asasina!"
"Perché?"
"Perché l'è aria da maltemp..."
"E l'andre?"
"O che el neta o che el sporca..."
"E el veent de sora?"
"Tutti i nuvui el lè para fora"
E quande le domande le deventava
masa tante te me deseve:
"L'è aria da vérghene!"
E mi svelta: "En scarséla o miga de bisogn?"
Te me vardave e te rideve... con quel soriso
che cancelava tuti i me pensieri
Anca ancoo, pupà, so soto l'ombreloo...
E ogni olta che en pelaii engrespa el lago digo che
"L'è aria da verghene"
...oia de vederte n'antra olta sola.


Laura Simonelli - Caprino Veronese (VR)