Agenda dei poeti 2007

9 luglio 2007

FELIS

Felis, te seret
quand de giovin te sorideva la vita
Felis te sett anca incoeu
con tanti ann sui spall,
Felis pien de malan.
Felis in mezz ai dispiasè,
semper Felis,
spiegom el perché.
L'è stada colpa de mè pader
che l'ha vorsuu ciamam inscì
però l'ha minga indovinaa
sont un "Felice" senza felicitaa.

Felis consolet, te sett minga l'unich
a trovass in questa situazion!
L'alter dì o incontraa per strada
el Fortunato.
T'el cognossett anca ti e dimm,
te le mai vist basaa da la fortunna?
El m'aa tegnuu mezz'ora
per contà su i so rogn
e poeu mezz'ora anmò
per fa l'elench de tutt quell
che el g'aa smenaa in di affari
poeu incazzaa el m'aa saludà e l'aa di:

Adess basta! Vo a l'anagrafe
a voeuri cambià nomm
vui vess ciamaa scior Scarognaa.
Fa inscì anca tì, proeuva a
ciamess Tristezza per scaramanzia
e forse, dopo te ridarett un po'.


Derno Cantarelli - Vimodrone (MI)