Agenda dei poeti 2006

30 giugno 2006

BENEDÈTT XVI

Dòpo i brutt dì, de la malinconia,
gh è vegnuu foeura on bèll ragg de sô,
ma sèmm che la vita l è frenesia,
des la Gesa la gh ha on alter resgiô,
anca Lù come l alter stranier,
ma sperèmm sia l instèss el so penser.
Èmm piangiuu e tant per el vègg Papa,
serom staa insèma vintisètt ann,
m aveva ciappaa el coeur e la crapa,
e come mì tucc i ver e bon cristian,
ma dèss battèmm i man al Papa noeuv,
vedarii che i nòster coeur l andrà a smoeuv.
Por Karol te seret diventaa vègg,
te gh avevet el coeur stracch, malandaa,
dèss te see lì in la tèrra al frègg,
e on alter el tò pòst l ha ciappaa,,
ma gh emm de gioì e vèss tucc content,
al Ratzinger faggh i nòster compliment.
On Papa l è difficil de sostituì,
soratutt quand l è staa on Papa Sant,
ma son convint che sarà grand chesschì,
e ch el tracciarà on solch important,
ma spettemes nò di grand arabèsch,
Lù l è on teutònich, l è on todèsch.
Con tutt i vizzi e virtù de la soa razza,
quèlla razza da sempre apprezzada,
ma  dèmm domenega tutt in piazza,
fasemegh sentì ona bèlla cantada,
fasemegh sentì che sèmm tucc fradei,
cont i ortodòss i musulman, i ebrei.
Per Benedètt Sedicesim grandi fèst,
fasemegh i auguri battemegh i man,
sperèmm ch el compia di grandissim gèst,
e rend pussee luminos el vèss cristian,
viva el Papa gh emm de dì a gran vos,
pòrta in tutt el mond la nòstra Cros.

Renato Colombo - Vignate (MI)