Agenda dei poeti 2004

21 aprile 2004

A PRIMA VISITA DE ME NONA IN COEIO

Te se vegnù a trovarme
no vedevo l'ora!
Te go corso incontro e ti te
me ga trovà paida, gero patia.
Oh! Quante domande che te me ga fato,
non te finivi più.
Mi te rispondevo a tute,
gero tanto contenta,
co ti vissin, gera beo anca el coeio.
Te ga tirà via a spia de sicurezza
daea scarsea dea traversa
e de scondon, te me ga dato
un scartosseto de mentine.
E gera tanto bone!
E go mangnae tute.
Ogni tanto te me vardavi i oci,
te me tocavi i cavei, gero
tanto contenta.
"Pora cea, te disevi, te vien da gnente".
Co vegno staltra volta, te porto
a "Ferro China" speremo che el tira su.
Te ghe disi aea Madre che a te ne daga
un bicerin tute e matine.
"Va ben nona" intanto te
domandavo dea pescaria, de Roberto,
tanto picinin e tanto beo,
de Gianfranco tanto bon,
dea mama che gavaria vossù
che a me mandasse almanco na cartolina.
Xe rivà anca al momento de andar via,
go pianto un poco, ma ti nona,
te me ga promesso che staltra volta,
te me gavarissi portà un pomo ingranà.
Te go sognà tanto a note e anca
el me pomo ingranà.

Anna Maria Piria - Milano