Agenda dei poeti 2004

12 gennaio 2004

EL SOMEIA IL MAR... MA NO XÈ VERO

El xè st'azuro slussicante
l'azuro del mar...
Le xè ste piciole onde
cussì cocole
che le schersa e le ride
coi so bei dentini bianchi
de scciùma
le onde del mar...
Xè il volo
de sti bei gabiani bianchi
che i risiga l'aqua
come baleni de giosse
il volo sul mar...
Le xè ste vele
passude de vento
e sgionfie de aria
a volare sul mar...
Ma sti monti vissini
che i basa e stucca
tra i so brassi d'aqua
le rive sgiossolanti
no xè lori il mar...
Ma sti bei useloni bianchi
che i saria i cigni
sgionfi de importansa
e lustri d'aqua
no xè lori il mar...
Ma la spussa spissigante
de le olive schissade
ne i torci vissini
no xè il bon odor
del mar...
No xè il mar...
sta diferente belessa
xè il lago:
il nostro lago di Garda.

Pinuccia Pienazza - Desenzano (BS)